Հրաչ Չիլինկիրեանի հակիրճ կենսարութիւնը

[Հրաչ Չիլինկիրեանի հակիրճ կենսարութիւնը]

 

«ԱՐԱՐԱՏ», 7 Յունիս 2016

 

Պէյրութ ծնած Դոկտ. Հրաչ Չիլինկիրեան համալսարանական ուսումը Նիւ Եորք, Լոս Անճելըս եւ Լոնտոն ստացած է, իսկ Հասարակաբանական Գիտութիւններու (sociology) դոկտորական կոչումը Լոնտոնի Տնտեսագիտութեան ու Քաղաքագիտութեան համալսարանէն (London School of Economics & Political Science):

Տասը տարի պաշտօնավարած է Գեմպրիճ Համալսարանի մէջ եւ 2012-էն ի վեր Օքսֆորտ համալսարանի Արեւելագիտութեան բաժնին մէջ Արեւելքի Քրիստոնէութեան եւ Հայագիտական ուսմունքներու դասախօս մասնագէտ է: Ունի բազմաթիւ ուսումնասիրութիւն ներ եւ յօդուածներ` Հայ եկեղեցւոյ, Միջին Արեւելքի հայ համայնքներուն, հարաւային Կովկասի ու Ղարաբաղի հիմնախնդիրներուն եւ վերջին տարիներուն Միջին Արեւելքի տագնապներուն մասին (www.hratch.info):

Դոկտ. Հրաչ Չիլինկիրեանի քննարկումները, վերլուծումները եւ առաջարկները հիմնուած են իր քաղաքական, ընկերաբանական, տնտեսական եւ աստուածաբանական ուսմունքներուն վրայ եւ կը բխին իր մտաւորական լայն տեսադաշտէն:

Ունի մենագրութիւններ եւ աւելի քան հարիւր յօդուածներ: Դասախօսութիւններ տուած է զանազան համալսարաններու եւ գաղութներու մէջ: Ինքնութեան եւ մշակոյթի վերաբերեալ իր ուսումնասիրութիւններուն մէջ Արեւմտահայ մշակոյթի խնդիրները կարեւոր տեղ կը գրաւեն:

Իր ակադեմական ասպարէզին առընթեր, Դոկտ. Չիլինկիրեան աւելի քան երեք տասնեակ տարիներ` մասնակցած է ու կը շարունակէ խորապէս մասնակցիլ ազգային, մշակութային, եկեղեցական, ուսումնական ու կազմակերպչական կեանքին: Ծաւալուն գործօն ներդրում ունի թէ՛ Անգլիոյ և սփիւռքի հայկական համայնքայնքներու կեանքին մէջ եւ թէ՛ տեղական ու միջազգային բարեսիրական ծրագիրներու մէջ:

2016-10-20
e-mail: info@hrach.info
Copyright © 2017 Hratch Tchilingirian. All rights reserved.